علق أحمد عاطف لاعب فريق زد،على الأزمة التي نشبت مع الجهاز الفني لمنتخب مصر الثاني بقيادة حلمي طولان، بعد استبعاده من بطولة كأس العرب التي ودعها الفراعنة من دور المجموعات،وشهدت الأيام الماضية أزمة بسبب استبعاد اللاعب من القائمة وقيد مروان حمدى بدلا منه.
توضيح عبر فيسبوك
وكتب عاطف عبر صفحته على “فيسبوك” :”وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ:،اولا”الحمدلله كان نفسي أبقي موجود مع زمايلي في المنتخب واساعدهم باكتر شكل أقدر أساعد بيه وكان نفسي ابقي موجود وامثل بلدي في بطوله زي دي لكن قدر الله ما شاء فعل”.
وأضاف: “كام نقطة عايز أوضحها بس علشان مش عارف أرد على مسدچ أو تليفون وبعتذر لأي حد معرفتش أرد عليه أنا مكنتش أعرف إني هسافر وأبقى مش موجود، أنا الحمد لله سليم ومش مصاب، أنا معملتش تصريح بأي حاجة غير إني مش مصاب لأن دي الحقيقة”.
وتابع: “كل كلام اتقال زياده ملهوش علاقة بيا، مكنتش حابب اتكلم ف الموضوع علشان مكنتش حابب أسبب لزمايلي أي حاجة ويكونو مركزين في البطولة بأكبر شكل ممكن، الحمد لله أنا راضي بقضاء ربنا واكيد كل حاجه ربنا بيعملها بتكون خير ليا”.
واختتم: “الموضوع اتقفل بالنسبالي تماما واتمني التوفيق للمنظومه كلها وباذن الله المنتخب يعوض ونكسب أمم افريقيا والشعب يفرح لأن الشعب يستاهل دا ويفضل اسم مصر فوق أي حد”.
أحمد عاطف
نقلاً عن : اليوم السابع